ခရံာ္ဖိတဿ္အိဢ္ဖွိဢ္
လူသဿဢ္တဿ္အိဢ္ဖွိဢ္ (Lutheranism)
တဿ္ကတိၯလဿညါ
လူသဿဢ္တဿ္အိဢ္ဖွိဢ္မ့ဿ္ ျဖီၯထဲးစတဲး (Protestant) တဿ္အိဢ္ဖွိဢ္ဖးဒိဢ္အက်ါ တဖု လဿအဘဢ္တဿ္ ဒုးအိဢ္ထီဢ္အီၯ လဿမၯတ့ၯလူသဿဢ္ (Martin Luther) ဖဲ ၁၆ ယၯဖွိဢ္နံဢ္ န႔ဢ္လီၯ. မၯတ့ၯ လူသဿဢ္ မ့ဿ္ ကႜဿမနံဢ္ အီကဿးစတံအစီၯသီ လဿအသိဢ္လိ ယြၯဂ့ဿ္ပီညါ လဿ ၀ံးထဿဢ္ဘဿး 
(Wittenberg) အဖႜဢ္စိမိၯ လဿ စဲးစိၯနံၯ (Saxony) အ၀့ဿ္ပူၯန႔ဢ္လီၯ. အနီဿ္ ကစဿ္ဒဢ္၀ဲ အတဿ္တိာ္လဿ အခီဢ္ထံးလံၯ လံၯ န႔ဢ္ မ့ဿ္တဿ္အဲဢ္ဒိးမၯဂ့ၯထီဢ္္က့ၯရိမဲ ခဲးသလ့း တဿ္အိဢ္ဖွိဢ္ န႔ဢ္လီၯ. မ့ဿ္လဿအတဿ္ဖံးတဿ္မၯ အဃိ လူသဿဢ္ဒီး ပွၯလဿပိာ္အခံတဖဢ္ ပၯပၯနီဢ္ဟးထီဢ္ကြံာ္အ၀ဲသ့ဢ္လဿတဿ္အိဢ္ဖွိဢ္အပူၯန႔ဢ္လီၯ. ဘဢ္ဆဢ္ အ၀ဲသ့ဢ္ စးထီဢ္ဟူးဂဲၯဒ္တဿ္အိဢ္ဖွိဢ္လဿအလီၯဆီတဖု လဿအထုးဖးအသးဒီး တဿ္အိဢ္ဖွိဢ္ မိဿ္ပွဿ္ လဿအမ့ဿ္ ရိမဲခဲးသလ့းတဿ္အိဢ္ဖွိဢ္ န႔ဢ္လီၯ.
တဿ္ကတိၯ လူသဿဢ္တဿ္အိဢ္ဖွိဢ္ (Lutheran) န႔ဢ္ဟဲအသးလဿ မဢ္တ့ဢ္လူသဿဢ္ အမံၯ ဘဢ္ဆဢ္ တဿ္အိဢ္ဖွိဢ္ဖိ အကစဿ္ဒဢ္၀ဲကိးလီၯ အသးလဿ အံၯဘါကႜဿၯလံၯကဿဢ္ (Evangelical) တဿ္အိဢ္ဖွိဢ္ န႔ဢ္လီၯ. လူသဿဢ္တဿ္အိဢ္ဖွိဢ္ဖိလဿအအိဢ္လဿ စကဲၯဒံၯန႔ဘံယါ (Scandinavia) တဖဢ္ ဟံးန႔ဿ္၀ဲဒဢ္ အထံအကီဿ္အမံၯ လဿအတဿ္အိဢ္ဖွိဢ္ အဂီဿ္ (အဒိန႔ဢ္ လူသဿဢ္တဿ္ အိဢ္ဖွိဢ္လဿအအိဢ္လဿ စြံဢ္ဒံဢ္တဖဢ္ ကိးလီၯအသးလဿ စြံဢ္ဒံဢ္တဿ္အိဢ္ဖွိဢ္) န႔ဢ္လီၯ. ဖဲ ၁၈ ယၯဖွိဢ္နံဢ္ ဒီး ၁၉ ယၯဖွိဢ္နံဢ္ အပူၯ ဖဲမံးရွဿဢ္နရံဢ္ တဿ္ဟူးတဿ္ဂဲၯ အိဢ္ထီဢ္၀ဲအဆဿကတီဿ္ လူသဿဢ္တဿ္အိဢ္ဖွိဢ္ ရၯလီၯအသးဆူ ဟီဢ္ခိဢ္ဒီဘ့ဢ္၊ ဒီး ကဲထီဢ္၀ဲဒဢ္ ျဖီၯထဲးစတဲး တဿ္အိဢ္ဖွိဢ္ဖးဒိဢ္အက်ါတဖု လဿအနီဿ္ဂံဿ္အိဢ္ ၈၀ ကကြဲဿ္ အပူၯအတ့ၯန႔ဢ္လီၯ.
Read Full Post | Make a Comment ( None so far )အီၯသိၯဒီး တဿ္အိဢ္ဖွိဢ္ (Orthodox Church)
တဿ္ကတိၯလဿညါ
အီၯသိၯဒီး တဿ္အိဢ္ဖွိဢ္မ့ဿ္ ခရံာ္ဖိတဿ္အိဢ္ဖွိဢ္ ဖးဒိဢ္သဿဖုအက်ါတဖု (Roman Catholic, Orthodox, Protestant) န႔ဢ္လီၯ. လဿတဿ္အိဢ္ဖွိဢ္အတဿ္ စံဢ္စိၯတဲစိၯအပူၯန႔ဢ္ အီၯသိၯဒီး တဿ္အိဢ္ဖွိဢ္ အံၯ စးထီဢ္အိဢ္သူဢ္လီၯအသးလဿ ပီဢ္လဲဢ္ဖးဒိဢ္ မဲၯဒံၯထဿဢ္ရ့နံယါ (Mediterranean) မုဿ္ထီဢ္လီဿ္က၀ီၯတဖဢ္ ဒီးရၯလီၯအသးဆူ ကီဿ္မိဿ္ပွဿ္ယူရပၯမုဿ္ထီဢ္တကပၯ ခီဖ်ိလဿမံးရွဿၯနရံၯ တဖဢ္န႔ဢ္လီၯ. တဿ္ကတိၯ Orthodox န႔ဢ္ဟဲအသးလဿ ဟ့ၯလ့ဢ္ က်ိာ္ ဒီး အခီပညီမ့ဿ္၀ဲ ႃႃတဿ္စူဿ္တဿ္နာ္လဿ အဘဢ္႗႗၊ မ့ဿ္လဿအ၀ဲသ့ဢ္စံး၀ဲလဿ အတဿ္စူဿ္တဿ္နာ္န႔ဢ္ဟဲလီၯစဿၯလဿ ပွၯတဿ္မဿဖိတဖဢ္အဃိလီၯ. အီၯသိၯဒီး အတဿ္အိဢ္ဖွိဢ္အံၯအိဢ္သူဢ္လီၯစ့ဿ္ကီးအသးလဿ ကီဿ္မိဿ္ပွဿ္ ယူရပၯမုဿ္ႏုာ္တခီစ့ဿ္ကီး၊ ဒီးလဿတယံာ္ဒံးဘဢ္န႔ဢ္ ရၯလီၯအသးစ့ဿ္ကီးဆူ ကီဿ္မိဿ္ပွဿ္ အၯျဖံးကၯ အပူၯ ဒီး ဆူကီဿ္မိဿ္ပွဿ္အ့ရွၯအပူၯန႔ဢ္လီၯ. ဒီးခဲကနံဢ္အံၯ တဿ္တယာ္၀ဲလဿ အတဿ္အိဢ္ဖွိဢ္ဖိ နီဿ္ဂံဿ္ ကအိဢ္ ၀ဲဒဢ္ ၁၅၀ ကကြဲဿ္အခိဢ္အဃဿၯန႔ဢ္လီၯ. အီၯသိၯဒီး တဿ္အိဢ္ဖွိဢ္အံၯဘဢ္တဿ္သ့ဢ္ညါစ့ဿ္ကီးအီၯလဿ အီၯသိၯဒီး ခဲးသလ့း (Orthodox Catholic)၊ ဟ့ၯလ့ဢ္အီၯသိၯဒီး (Greek Orthodox)၊ ဒီး အီၯသိၯဒီး မုဿ္ထီဢ္တကပၯ (Eastern Orthodox) န႔ဢ္လီၯ.
Read Full Post | Make a Comment ( None so far )ရိမဲခဲးသလ့း တဿ္အိဢ္ဖွိဢ္ (Roman Catholic Church)
တဿ္ကတိၯလဿညါ
ရိမဲခဲးသလ့း တဿ္အိဢ္ဖွိဢ္မ့ဿ္တဿ္အိဢ္ဖွိဢ္လဿ အလဲဿ္ကတဿဿ္တဖွိဢ္၊ ဒီး တဿ္အိဢ္ဖွိဢ္ဖိတဖဢ္ လဿအဘဢ္ဃးဒီးတဿ္စူဿ္တဿ္နာ္န႔ဢ္ ပာ္၀ဲဒဢ္ ဘံရွီး လဿ၀့ဿ္ရိမ့ၯ (ပၯပၯ၊ Pope) လဿအမ့ဿ္ပွၯလဿ အအိဢ္ဒီးတဿ္စိတဿ္ကမီၯအဒိဢ္ကတဿဿ္န႔ဢ္လီၯ. တဿ္ကတိၯ ႃႃခဲးသလ့း႗႗(Catholic)၊ လဿဟ့ၯလ့ဢ္တခီ မ့ဿ္၀ဲ ႃႃKatholiko႗႗၊ အခီပညီမ့ဿ္၀ဲ ႃႃUniversal႗႗ တဿ္ခဲလဿာ္လဿအအိဢ္လဿစးက၀းအပူၯ၊ ဒီးတဿ္ကတိၯတဖ်ဿဢ္အံၯ တဿ္သူအီၯဖဲတဿ္အိဢ္ဖွိဢ္စးထီဢ္ ကဲထီဢ္ သးသီလံၯလံၯန႔ဢ္လီၯ. ရိမဲခဲးသလ့း တဖဢ္ စံး၀ဲဒဢ္လဿ အတဿ္အိဢ္ဖွိဢ္န႔ဢ္ မ့ဿ္တဿ္အိဢ္ဖွိဢ္လဿ အတီကတဿဿ္တဖု မ့ဿ္လဿအဟဲလီၯစဿၯလီၯ သြဲဢ္လဿ စီၯပ့ဢ္တ႐ူးအဃိန႔ဢ္လီၯ. ရိမဲခဲးသလ့း အတဿ္အိဢ္ဖွိဢ္ ဖိအနီဿ္ဂံဿ္လဿ ၁၉၉၈ အနံဢ္န႔ဢ္မ့ဿ္၀ဲ ၉၉၅.၈ ကကြဲဿ္ (ပွၯဟီဢ္ခိဢ္ဖိအနီဿ္ဂံဿ္ခဲလဿာ္အက်ါ ၁၈.၈ မ်းကယၯ) ဂၯန႔ဢ္လီၯ. တဿ္အိဢ္ဖွိဢ္ဖိ အနီဿ္ဂံဿ္ အအါကတဿဿ္န႔ဢ္အိဢ္၀ဲဒဢ္လဿ ကီဿ္မိဿ္ပွဿ္ယူရပၯ အပူၯ၊ ဒီးကီဿ္မိဿ္ပွဿ္ လးတ့ဢ္အမဲရကၯ အပူၯ၊ ဒီးလဿကီဿ္မိဿ္ပွဿ္အဂၯတဖဢ္ အပူၯန႔ဢ္ပွၯရိမဲခဲးသလ့းတဖဢ္ အိဢ္၀ဲဒဢ္စ့ဿ္ကီးအါမးန႔ဢ္လီၯ.
Read Full Post | Make a Comment ( None so far )
ခရံာ္ဖိတဿ္သ့ဢ္ညါ (Christian Knowledge) 